shivdharma

शिवधर्माची संपूर्ण संहिता २०१४ मध्ये पूर्ण होणार - आ ह साळुंखे ह्यांची घोषणा

2012-01-13T08:56:00.000-08:00

शिवधर्माची संपूर्ण संहिता २०१४ मध्ये पूर्ण होणार - आ ह साळुंखे ह्यांची घोषणा

बातमी वाचण्यासाठी डबल क्लिक करा..

Blog प्रकाशक- शिवधर्म सेवा मंडळ

जिजाऊ जन्मोत्सव - १२ जानेवारी २०१२

2012-01-13T08:25:00.002-08:00

आज मातृतीर्थावर जिजाऊ जन्मोत्सव; देश-विदेशातून जिजाऊ भक्तांचे लोंढे

१२ जानेवारी २०१२ ,प्रतिनिधी , बुलढाणा
यंदाही येथील जिजाऊ सृष्टी प्रकल्पावर मराठा सेवा संघाच्यावतीने सावित्री-जिजाऊ दशरात्रोत्सव सोहळ्याची सांगता मॉं साहेबाच्या ४१४ व्या जन्मोत्सव सोहळ्याने मोठय़ा थाटामाटात होणार आहे. यासाठी मातृतीर्थ नगरी व जिजाऊ सृष्टी नववधुप्रमाणे नटली असून जिजाऊ भक्तांचे लोंढेच्या लोंढे संपूर्ण देशासह परदेशातून मातृतीर्थावर दाखल होत आहेत. ३ जानेवारीपासून सावित्री-जिजाऊ दशरात्रोत्सव सुरू झाला होता.
यानिमित्ताने सृष्टीवरील कार्यक्रमाची सर्वतोपरी तयारी अंतिम टप्यात असून जिजाऊ भक्त मराठा सेवा संघाच्या सर्वच्या सर्व ३१ कक्षाचे श्रेष्ठ-ज्येष्ठ पदाधिकारी, कार्यकर्ते अखंड परिश्रम घेत आहेत. या सोहळ्यासाठी जिजाऊ सृष्टीच्या सुमारे १०० एकराच्या प्रदीर्घ मैदानावर भव्य सभामंडप, स्वागतकक्ष, रोशणाई, स्वागत कमानी, नियंत्रण कक्ष, देणगी कक्ष, स्टॉल नोंदणी कक्ष, चौकशी कक्ष, पिण्याच्या पाण्याची व्यवस्था, वाहन पार्किंग व्यवस्था, खान-पान व पुस्तकांचे स्टॉल आदी व्यवस्था सज्ज करण्यात आल्या आहेत.
जिजाऊ सृष्टी परिसराला व जिजाऊ नगरीला या निमित्ताने यात्रेचे स्वरूप आले असून जिजाऊ जन्मस्थळ, राजे लखोजीराव जाधव समाधी स्थळ, राजवाडा रंगमहल यासह संपूर्ण सृष्टीवर भव्य प्रमाणात आकर्षक विद्युत रोषणाई करण्यात आली आहे.
पॅरामोटारमधून पुष्पवृष्टी
दरवर्षीप्रमाणे यंदाही सृष्टीवर व जिजाऊ भक्तांवर पॅरामोटारमधून पायलट भगवानराव जाधव पुष्पवृष्टी करणार आहेत. १२ जानेवारीला सकाळी ६ वाजता राजवाडय़ातील जिजाऊ जन्मस्थळावर विविध मान्यवर जोडप्यांच्या हस्ते जिजाऊंचे पूजन, त्यानंतर सकाळी ८ ते दुपारी २ दरम्यान जिजाऊ सृष्टीवर विविध वैचारिक, भरगच्च सांस्कृतिक कार्यक्रम होणार असून ते ज्येष्ठ विचारवंत मराठा सेवा संघाचे ज्येष्ठ आधारवड डॉ. आ. ह. साळुंखे यांच्या प्रमुख उपस्थितीत रंगणार आहे. त्यानंतर दुपारी २ ते उत्तररात्रीपर्यंत शिवधर्मपीठावर सेवा संघाच्या ज्येष्ठ मान्यवरांच्या उपस्थितीत मुख्य सोहळा संपन्न होणार आहे.
जिजाऊ पुरस्कार
यावेळी याच विचारपीठांवर ‘वीर शिवाजी’ कलर चॅनल्सवरील लोकप्रिय मालिकेच्या निर्मात्या शिवमती रूपाली अभिमन्युसिंह यांना जिजाऊ पुरस्काराने सन्मानित करण्यात येणार आहे. यावेळी डॉ. आ.ह. साळुखे, मराठा सेवा संघाचे संस्थापक अध्यक्ष शिवश्री पुरुषोत्तम खेडेकर, माजी आमदार शिवमती रेखाताई खेडेकर, नेताजीराव गोरे, देवानंद कापसे, चंद्रशेखर शिखरेंसह सेवा संघाच्या ३१ कक्षाचे राज्याध्यक्ष व ज्येष्ठ पदाधिकारीही उपस्थित राहणार आहेत.
या सोहळ्यासाठी गेल्या महिनाभरापासून जिजाऊ सृष्टीचे अध्यक्ष डॉ. दिलीपराव देशमुख, डॉ. अरविंद गावंडे, शिवाजीराजे जाधव, चंद्रशेखर शिखरे, सुभाषराव कोल्हे, तहसीलदार सुनील शेळके, राजेंद्र अढाव, अण्णासाहेब बुरकुल, समाधान शिंदे, कृष्णा कुहिरे, गिरीश वाघमारे, संजय विखे, किशोर खेडेकर, संजय उनगे, राममूर्ती वालसिंगे, उमेश इंगळे, शिवाजी गव्हाड, दाळु पाटील आदी जिजाऊ भक्त परिश्रम घेत आहेत.

आज जिजाऊ जन्मोत्सव, सिंदखेडराजा सज्ज !!!

सिंदखेडराजा, ११ जानेवारी/ वार्ताहर
दरवर्षीप्रमाणे याहीवर्षी राजमाता जिजाऊंचा जन्मोत्सव मराठा सेवा संघाच्यावतीने जिजाऊ दशरात्रौत्सव साजरा होत आहे. ३ जानेवारीपासून या सोहोळ्याला सुरुवात झाली असून उद्या १२ जानेवारीला सांगता होणार आहे.
महाराष्ट्रासह देश-विदेशातील पाहुणे मातृतीर्थ सिंदखेडराजा नगरीत पोहोचत आहेत. विविध वैचारिक तसेच, सांस्कृतिक कार्यक्रमांसाठी सिंदखेडराजा-जालना मार्गावरील जिजाऊसृष्टी परिसर सज्ज झाला आहे. सुमारे १०० एकराच्या परिसरात भव्य सभामंडप उभारून त्यावर विद्युत रोषणाई करण्यात आली आहे. तसेच, राजवाडा परिसरात रंगरंगोटी करण्यात आली आहे. रस्त्यावर स्वागत कमानी उभारून येणाऱ्या पाहुण्यांचे स्वागत केले जात आहे. शिवभक्तांना वैचारिक खाद्य पुरवण्यासाठी पुस्तकांची दुकाने, पिण्याच्या पाण्याची व्यवस्था, तसेच उपाहार गृहाची दुकाने घातली आहे. येणाऱ्या पाहुण्यांची अडचण लक्षात घेऊन त्यांना मार्गदर्शन करण्यासाठी चौकशी कक्ष, देणगीदारांसाठी देणगी कक्ष उभारण्यात आले आहेत. यामुळे या परिसराला भव्य यात्रेचे स्वरूप प्राप्त झाले आहे. जिजाऊ जन्मस्थळ, राजे लखोजीराव जाधवांचे समाधीस्थळ, रंगमहाल यासह जिजाऊसृष्टीवर आकर्षक रोषणाई करण्यात आली आहे. दरवर्षीप्रमाणे या सोहोळ्यावर पॅराग्लायडिंगद्वारे पुष्पवृत्ती केली जाणार आहे.
उद्या १२ जानेवारीला संध्याकाळी ६ वाजता राजवाडय़ावरील जिजाऊ जन्मस्थळावर मातोश्री जिजाऊंचे पूजन मराठा सेवा संघाचे पुरुषोत्तम खेडेकर, माजी आमदार रेखा खेडेकर, नेताजी गोरे, तहसीलदार सुनील शेळके, काँग्रेस नेत्या जयश्री शेळके, विचारवंत डॉ. आ.ह. साळुंके, देवानंद कापसे, राजे शिवाजीराव जाधव, अरविंद गावंडे, पंढरपूरचे बद्रीनाथ महाराज, चनखोरे, कैकाडी महाराज, ‘शंभुराजे’ नाटक फेम सातारा येथील हर्षवर्धन कदम, यांची प्रमुख उपस्थिती राहणार आहे. या निमित्ताने या ठिकाणी दिवसभर सांस्कृतिक, वैचारिक कार्यक्रमाची रेलचेल राहणार आहे. तसेच, मुख्य कार्यक्रमात मराठा विश्व भूषण, जिजाऊ पुरस्काराचे वितरण तसेच, दुपारी २ वाजता शिवधर्मपीठावर नामावंत व्यक्तींचा सत्कार, पुस्तकांचे प्रकाशन व मान्यवरांचे मार्गदर्शन होणार आहे. तरी जास्तीत जास्त संख्येने या कार्यक्रमाला उपस्थित राहावे, असे आवाहन आयोजकांनी केले आहे.

2012-01-13T08:25:00.001-08:00

2012-01-13T08:25:00.000-08:00

३८१ व्या शिवजयंतीच्या हार्दिक शिवेच्छा..

2011-02-18T21:02:00.000-08:00

शिवजयंती निम्मित प्रकाशित करतोय..सुप्रसीद्ध चित्रकार मिलिंद विचारे ह्यांच्या कुंचल्यातून साकारलेली शिवचरित्रचित्रे ...संकल्पना- प्रतीइतिहासकार चंद्रशेखर शिखरे,प्रकाशक - शिवधर्म सेवा मंडळ.

रायगडाच्या पायथ्याशी शिवाजी महाराज

शिवराज्याभिषेक मिरवणूक

भोसलेभूमी वेरूळ शिव-शिवदर्शन.. वेरूळची लेणी पाहताना शिवाजी महाराज...

लाख मेले तरी चालतील,पोशिंदा मात्र जगला पाहिजे..आधुनिक बळीराजा- शिवराय

रयतेवर जिवापाड प्रेम करणारा राजा

श्रीमंत कोकाटे

Saturday, February 19, 2011 AT 01:00 AM (IST)

छत्रपती शिवाजी महाराज यांनी लिहिलेल्या पत्रांमधून त्यांची संवेदनशीलता, प्रेम, शिस्त असे अनेक गुण दिसतात. त्याविषयी शिवजयंतीनिमित्त (ता. १९) एक दृष्टिक्षेप.

छत्रपती शिवाजी महाराजांनी सज्जनांच्या रक्षणासाठी व दुर्जनांच्या निर्दालनासाठी हाती तलवार घेतली. हा लढायांचा इतिहास तर आपणा सर्वांना ज्ञात आहेच. ढाल-तलवारीच्या पलीकडे जाऊन छत्रपती शिवाजीराजांनी रयतेबद्दल व्यक्त केलेल्या भावना, प्रजेच्या सुरक्षिततेसाठी, कल्याणासाठी घेतलेले निर्णय, काळजी, कळवळा त्यांच्या पत्राद्वारे आपणास प्रकर्षाने जाणवते. छत्रपती शिवाजीराजांनी रयतेवर केलेले जिवापाड प्रेम त्यांच्या विविध पत्रांवरून आपणास समजते.

२३ ऑक्‍टोबर १६६२ रोजी शिवाजी महाराजांनी सर्जेराव जेधे यांना एक पत्र लिहिलेले आहे. शाहिस्तेखानाचे संकट स्वराज्यावर येत आहे. त्याप्रसंगी रयतेची कशाप्रकारे काळजी घ्यावी, हे महाराजांनी सांगितलेले आहे. ""मोगल प्रस्तुत तुमच्या तपियात धावणीस येताती म्हणौन जासुदानी समाचार आणिला आहे. तरी तुम्हास रोखा अहडताच तुम्ही तमाम आपलेतपियात गावचा गाव ताकिदी करून माणसे, लेकरेबाळे समतर तमाम रयेति लोकास घाटाखाले बाका जागा असेल तेथे पाठविणे. ये कामात हैगै न करणे ..... गावचा गाव हिंडोनु रातीचा दिवस करून लोकाची माणसे घाटाखाली जागा असेल तेथे पाठवणे. या कामास एक घडीचा दिरंग न करणे.'' रयतेच्या रक्षणासाठी एक क्षणाचाही विलंब करू नका, अशा सूचना शिवरायांनी प्रस्तुत पत्रात सर्जेराव जेधे यांना दिलेल्या आहेत.

१९ मे १६७३ रोजी शिवाजी महाराजांनी चिपळूण येथील आपल्या जुमलेदार, हवालदार आणि कारकुनांना एक पत्र लिहिलेले आहे. यातून शिवरायांना शेतकऱ्यांबद्दल किती कळवळा होता, हे स्पष्टपणे लक्षात येते. लष्कराची छावणी चिपळूण येथे पडलेली असताना आपल्या अधिकाऱ्यांनी कशी काळजी घ्यावी, याबाबत लिहिलेल्या पत्रातील काही भाग "".......... पागेस अधिक बैठी पडली; परंतु जरूर जालें त्याकरिता कारकुनाकडून व गडोगडी गल्ला असेल तो देववून जैसी तैसी पागेची बेगमी केली आहे. त्यास, तुम्ही मनास ऐसा दाणा, रातीब, गवत मागाल, असेल तोवरी धुंढी करून चाराल.

नाहीसें जालें म्हणजे मग काही पडल्या पावसात मिळणार नाही, उपास पडतील, घोडी मरायास लागतील म्हणजे घोडी तुम्हीच मारिली ऐसे होईल व विलायतीस तसवीस देऊ लागाल. ऐशास, लोक जातील कोण्ही कुणब्याचे थील दाणे आणील, कोण्ही भाकर, कोण्ही गवत, कोण्ही फाटे, कोण्ही भाजी, कोण्ही पाले. ऐसे करू लागलेत म्हणजे जी कुणबी घर धरून जीवमात्र घेऊन राहिले आहेत, तेहि जाऊ लागतील. कितेक उपाशी मराया लागतील. म्हणजे त्याला ऐसे होईल, की मोगल मुलकांत आले त्याहुनहि अधिक तुम्ही! ऐसा तळतळाट होईल! ....... रयतेस काडीचा अजार द्यावया गरज नाही. ........ कोण्हावरी जुलूम अगर ज्याजती अगर कोण्हासी कलागती करावयाची गरज नाही. ........ हाली उनाळ्याला आहे ........ कोण्ही आगट्या करितील, कोण्ही भलतेच जागा चुली, रंधनाळा करितील .......... आगट्या जाळीता, अगर रात्रीस दिवा घरांत असेल, अविस्राच उंदीर वात नेईल, ते गोष्टी न हो. आगीचा दगा न हो. ........'' शिवरायांचे हे पत्र मुळातूनच वाचण्यासारखे आहे. लष्करातील लोकांनी काटकसरीने वागावे. स्थानिक रयतेला त्रास देऊ नये.
शेतकऱ्यांच्या काडीलादेखील हात लावू नये; अन्यथा रयत म्हणेल की मोगलापेक्षा तुम्ही वाईट आहात. आगीपासून धोका होणार नाही, याची काळजी घ्यावी, अशा सूचना शिवरायांनी आपल्या सैनिकांना दिलेल्या आहेत. यातून शिवरायांचा मानवतावाद प्रकर्षाने जाणवतो.

शिवरायांनी शेतकरी कष्टकरी, श्रमकरी वर्गाचे हित जोपासले. आपल्या सैनिकांवर सहकाऱ्यांवर जिवापाड प्रेम केले. २ सप्टेंबर १६६० रोजी शिवाजी महाराजांनी कान्होजी जेधे यांना एक पत्र लिहिलेले आहे. कान्होजी जेधे आजारी असल्याची माहिती मिळाल्यामुळे महाराज त्यांना लिहितात, ""औसध घेऊन शरीरासी आरोग्य होई ते करणे. उपचाराचे विशी आलस न करणे... औषधोपचार घेऊन बरे होणे. त्याबाबत हयगय करू नये,'' असा अत्यंत मायेचा सल्ला शिवरायांनी कान्होजी जेधेंना दिलेला आहे.

शिवाजी महाराजांची अनेक पत्रं आहेत. त्यातून शिवरायांची संवेदनशीलता, प्रेमळपणा, वक्तशीरपणा, शिस्त, व्यवस्थापन, धर्मनिरपेक्षता, नैतिकता, प्रशासनव्यवस्था याची माहिती मिळते. शिवाजी महाराजांच्या पत्रावरून लक्षात येते की, शिवरायांचे स्वराज्य हे रयतेचे लोककल्याणकारी राज्य होते. Thanks-e-sakal.com

Shivrajya Ani Balrajya - "King Bali To King Shivaji"

2011-02-09T11:32:00.000-08:00

Baliraja - King Bali.

Jagatguru Tukobaray Ani Shivrajya

स्वराज्यसंकल्पक शाहजीराजे भोसले आणि स्वराज्यप्रेरणा जिजाऊसाहेब

2011-02-07T11:18:00.000-08:00

Swarajyaprerana Rashtramata Jijausaheb & Swarajyasankalpak Rashtrapita Shahjiraje Bhosale...

We are thankful to Artist Mr.Milind Shimpi, Mr.Milind Wichare (jijau,shahjiraje paintings resp.) Also..Famous Novelist Mr.Madan Patil,Historian Chandrashekhar Shikhre

- Shivdharam Seva Mandal

स्वराज्यप्रेरणेस आणि स्वराज्यसंकल्पकास विनम्र अभिवादन...ह्यांच्यामुळेच "शिवाजी" नावाचे हे देखणे स्वराज्य जन्मास आले..Jijau,Shajiraje and Shivaji

2011-02-06T10:04:00.000-08:00

SwarajyaNirmate...Jijausaheb,Shahjiraje,Shivaji Maharaj

SwarajyaPrerana Rajmata,Rashtramata Jijausaheb Shahjiraje Bhosale.

SwarajyaSankalpak Rajpita Rashtrapita Shahajiraje Malojiraje Bhosale

SwarajyaNirmata RashtaRatna Chhatrapati Shivajiraje Shahajiraje Bhosale.

जिजाऊ जन्मोत्सव सर्वत्र उत्साहात साजरा....

2011-01-16T23:43:00.001-08:00

राजधानी दिल्लीत जिजाऊ जन्मोत्सव साजरा..
राजधानी दिल्लीत महारष्ट्र भवनात १२ जानेवारी जिजाऊ जन्मोत्सव मोठ्या उत्साहात साजरा करण्यात आला..ह्या वेळी राजकीय मंडळी,सरकारी अधिकारी तसेच सचिवांची उपस्थिती होती... मराठा सेवा संघ दिल्लीच्या वतीनेही जिजाऊ जन्मोत्साव्चे आयोजन कमलेश पाटील ह्यांनी केले होते...

हरयाणा येथे जिजाऊ जन्मोत्सव साजरा..
हरयाणा राज्यातील पानिपत येथे मोठ्या संख्येने मराठी लोक राहतात,काल आम मैदानात १२ जानेवारी रोजी मराठा जागृतीमंच च्यावतीने जिजाऊ जन्मोत्सवाचे आयोजन करण्यात आले होते.. ह्या वेळी हजारो रोड मराठ्यांनी गर्दी केली होती..जय जिजाऊ..जय शिवराय च्या घोषात हा कार्यक्रम संपन्न झाला..ह्या वेळी मराठा वीरेंद्र वर्मा ह्यांनी ह्या कार्यक्रमाचे आयोजन केले होते.. तसेच १४ जानेवारीला पानिपत येथील काला आम येथे मराठा शौर्य दिनाचे आयोजन कार्यक्रमाचे आयोजन करण्यात आले होते .ह्या कार्यक्रमाला मराठा सेवा संघाचे अध्यक्ष पुरुषोत्तम खेडेकर आणि मुख्यमंत्री हुड्डा ह्यांची प्रमुख उपस्थिती होती...ह्या कार्यक्रमासाठी महाराष्ट्रातून संभाजी ब्रिगेड तसेच शिवप्रेमी कार्यकर्ते उपस्थित होते .

पुण्यात हजारोंच्या उपस्थितीत जन्मोत्सव साजरा

ह्या वर्षी पुण्यातही लाल महाल आणि शनिवारवाडा येथे जिजाऊ जन्मोत्सवाचे भव्य प्रमाणात आयोजन करण्यात आले होते..शिवप्रेमी जनजागरण समिती आणि लोकशासन आंदोलन च्या वतीने ह्या कार्यक्रमांचे आयोजन करण्यात आले होते.. सिंदखेड पाठोपाठ सर्वाधिक गर्दी ह्या कार्यक्रमाला होती..महानगरपालिका भवन येथून भव्य मिरवणूक निघून लाल महाल येथे जीजौंचे दर्शन घेतल्यावर शनिवारवाडा येथे भव्य सभा झाली..ह्या कार्यक्रमामुळे शिवाजी महाराज रोड गर्दीने फुलून गेला होता..ह्या कार्यक्रमाला माजी न्यायमूर्ती बी.जी.कोळसे पाटील,पी.बी.सावंत,बाबा आढाव,प्रतिमा परदेशी ह्यांची प्रमुख उपस्थिती होती..

शिवधर्मपीठावर राजमाता जिजाऊ जन्मोत्सव साजरा

सिंदखेडराजा, १३ जानेवारी
छत्रपती शिवरायांच्या मातोश्री राजमाता जिजाऊ यांच्या ४१२ व्या जन्मोत्सवाची सांगता काल सिंदखेडराजा-जालना मार्गावरील शिवधर्मपीठाच्या पटांगणावरील मातृतीर्थ जिजाऊ सृष्टी परिसरात देश-विदेशातून आलेल्या सुमारे २० हजारांच्या जनसागराच्या उपस्थितीत करण्यात आली. देशाच्या कानाकोपऱ्यातून शिवभक्त यासाठी आलेले होते. तत्पूर्वी, सकाळच्या सुमारास राजवाडय़ात राजमाता जिजाऊंचे पूजन करण्यात आले. सुमारे चार एकराच्या परिसरात हा जन्मोत्सव सोहोळा ३ जानेवारीपासून सुरू झालेला होता. काल सकाळी जिजाऊ पूजनानंतर शिवविवाह सोहोळ्यासह अन्य कार्यक्रम साजरे झाले.
काल दुपारी ३ वाजता झालेल्या सांगता समारंभाला मराठा सेवा संघाचे संस्थापक अध्यक्ष पुरुषोत्तम खेडेकर, नेताजी गोरे, संभाजी बिग्रेडचे प्रदेशाध्यक्ष प्रवीण गायकवाड, माजी आमदार रेखा खेडेकर, देवानंद कापसे, विजया कोकाटे, ऑस्ट्रेलियाहून आलेले प्रशांत राळे आदी नेते उपस्थित होते. यावेळी बोलताना पुरुषोत्तम खेडेकर म्हणाले, औरंगाबाद शहराचे संभाजीनगर, असे नामकरण करण्यासाठी राज्यात युतीचे सरकार असताना बाळासाहेब ठाकरे यांनीच विरोध केला होता. युती सरकार सत्तेत असताना औरंगाबाद महानगरपालिकेने औरंगाबादचे संभाजीनगर, असे नामकरण करण्याचा ठराव मांडला होता. तसाच ठराव तत्कालीन युती सरकारनेही मंजूर केला होता, परंतु तत्कालीन कायदामंत्री अ‍ॅड. लिलाधर डाके यांना राज्य सरकारची बाजू सर्वोच्च न्यायालयात मांडण्यासाठी एका वकिलाची नेमणूक करायची होती. ते टाळण्याचा सल्ला बाळासाहेब ठाकरे यांनी लिलाधर डाके यांना दिला होता. त्यामुळे या प्रकरणात महाराष्ट्र शासनाची भूमिका सर्वोच्च न्यायालयात मांडण्यासाठी वकील नव्हता. सलग तीन तारखांना शासनाची भूमिका सर्वोच्च न्यायालयासमोर मांडली गेली नाही. त्यामुळे तत्कालीन राज्य सरकारला औरंगाबादचे संभाजीनगर, असे नामकरण करण्यास स्वारस्य नाही, असे सर्वोच्च न्यायालयाला वाटले, म्हणून सर्वोच्च न्यायालयाने औरंगाबाद हेच नाव कायम ठेवले.
शिवसेनेने शिवाजी महाराज आणि संभाजी महाराज हे मुस्लिमांचे विरोधक आहेत, असा प्रचार केला. मात्र, मराठा महासंघाची मुस्लिमांसोबतची भूमिका सामंजस्याची आहे. शिवसेनेने जर त्यांची भूमिका सोडली तर संभीजानगर, असे नामकरण करण्यास मराठा महासंघाचा आक्षेप राहणार नाही, असेही त्यांनी स्पष्ट केले.
कार्यक्रमाच्या ठिकाणी प्रारंभी संभाजी बिग्रेडचे प्रदेशाध्यक्ष प्रवीण गायकवाड यांच्या नेतृत्वाखाली संभाजी बिग्रेडच्या दिडशे कार्यकर्त्यांनी परेड केली. त्यानंतर शिवधर्माचे ध्वजारोहण प्रवीण गायकवाड, माजी आमदार रेखा खेडेकर, देवानंद कापसे, विजया कोकाटे, ऑस्ट्रेलियाहून आलेले प्रशांत राळे यांनी ध्वजारोहण तसेच, जिजाऊ ध्यानमंदिराचे भूमिपूजनही केले. त्यानंतर सप्तखंजेरीवादक सत्यपाल महाराज यांच्या समाज प्रबोधनाचा कार्यक्रम झाला.
ध्वजारोहणानंतर प्रवीण गायकवाड म्हणाले, पुण्यातील दादोजी कोंडदेव यांचा पुतळा हटवला, त्यामुळे एक इतिहास निर्माण झाला आहे. आज मराठा सेवासंघ एक वीस वर्षांंचा तर, संभाजी ब्रिगेड चौदा वर्षांची झाली आहे. दोघेही तरुण आहेत आणि इतिहास तारुण्यातच निर्माण होत असतात. पुतळा काढल्यानंतर पुण्यात भाजप-सेना रस्त्यावर उतरली. त्यांनी दादोजी कोंडदेव यांच्या प्रेमापोटी पुणे महानगरपालिकेचे शिवाजी सभागृह फोडले. शिवसेना स्वत: कुठलाच कार्यक्रम ठरवत नाही. त्यांना राष्ट्रीय स्वयंसेवक संघाच्या आदेशावरच चालावे लागते, असे या प्रकरणावरून दिसून येते. शिवसैनिकांनी प्रबोधनकार ठाकरे यांचे साहित्य जरूर वाचावे, असा सल्लाही त्यांनी दिला. तसेच, ठाणे जिल्ह्य़ातील दादोजी कोंडदेव स्टेडियमचे व सांगलीच्या एका बँके तील शिवरायांसोबत दादोजी कोंडदेव असलेले छायाचित्र हटवण्यासाठी कोकण आणि पश्चिम महाराष्ट्रातील संभाजी ब्रिग्रेडच्या कार्यकर्त्यांनी रान उठवावे. यासोबतच बाबासाहेब पुरंदरे लिखित राजा शिव छत्रपती व लालमहल या पुस्तकावर राज्य सरकारने बंदी घालावी. रायगडावर शिवरायांच्या समाधीजवळ तेवढय़ाच उंचीची वाघ्या कुत्र्याची समाधी लोकमान्य टिळकांच्या मार्गदर्शनाखाली तयार झाली. ती पाडण्यासाठी पुढाकार घ्यावा, असेही आवाहन त्यांनी केले.
यावेळी पंढरपूर येथील बद्रीनाथ महाराजांना पुरुषोत्तम खेडेकर यांच्या हस्ते मराठा भिष्मभूषण पुरस्कार देऊन गौरवण्यात आले. मानपत्राचे वाचन डॉ. स्मिता देशमुख यांनी केले. यावेळी पप्पू भोयर, डॉ. दिलीप देशमुख, श्रीमंत कोकाटे, ब्रिग्रेडिअर सुधीर सावंत, जिजाऊ ब्रिगेडच्या सीमा ढवळे, नेताजी गोरे, ओरिसातून आलेले बंसीधर नायक, तसेच पंढरपुरे तनपुरे महाराज यांची भाषणे झाली. या जिजाऊ जन्मोत्सव सोहोळ्याचे संचालन डॉ. सीमा देशमुख तर, प्रास्ताविक देवानंद कापटे यांनी केले.

राजवाडय़ात जिजाऊ जन्मोत्सव साजरा

सिंदखेडराजा, १२ जानेवारी
छत्रपती शिवरायांच्या मातोश्री राजमाता जिजाऊ यांचा ४१२ वा जन्मोत्सव मातृतीर्थ सिंदखेडराजा येथील राजवाडय़ात बुलढाणा जिल्हा परिषद, सिंदखेडराजा पंचायत समिती व सिंदखेडराजा नगर परिषदेच्यावतीने पूजन करून संपन्न झाला.
यावेळी सिंदखेडराजा मतदारसंघाचे आमदार डॉ. राजेंद्र शिंगणे, बुलढाणा जिल्हा परिषदेचे अध्यक्ष प्रा. नरेंद्र खेडेकर, उपाध्यक्ष राम जाधव, पंचायत समिती सभापती शीला शिंगणे, नगर परिषद नगराध्यक्ष बबन म्हस्के, उपाध्यक्ष जगन ठाकरे, जिल्हा परिषद सभापती वैशाली सुपेकर, अभय चव्हाण, प्रभारी मुख्य कार्यपालनाधिकारी संजय कापडणीस यांच्यासह अधिकारी व पदाधिकारी हजर होते. यानंतर शहरातील सर्व शाळा, महाविद्यालयातील विद्यार्थ्यांनी प्रभातफेरी काढली. त्यानंतर जिल्हा परिषद अध्यक्ष नरेंद्र खेडेकर यांच्या अध्यक्षतेखाली सांस्कृतिक कार्यक्रमाचे बक्षीस वितरण झाले. या कार्यक्रमाचे उद्घाटन जिल्हा परिषद उपाध्यक्ष राम जाधव यांनी केले.
जिजाऊ जन्मोत्सवाचे औचित्य साधून याहीवर्षी मराठा सेवासंघ द्वारा आयोजित शिवविवाह जिजाऊ सृष्टीवर शिवधर्म पद्धतीने संपन्न झाला. यावेळी मराठा सेवा संघाचे संस्थापक अध्यक्ष पुरुषोत्तम खेडेकर, प्रदेश सचिव व कार्यक्रमाचे अध्यक्ष डॉ. दिलीप देशमुख यांच्यासह अनेक पदाधिकारी उपस्थित होते. यावेळी सिंदखेडराजा येथील गजानन प्रल्हाद सवने व संगीता रामकिसन मोहिते, (मांडवा (लोणार) येथील पंढरी रामकिसन मुढ्ढे व गिर्झापूर (वाशीम) येथील नंदा विठ्ठल घायाळ, टाकरखेड वायाळ येथील आनंद प्रल्हाद पवार व तढेगावच्या करुणा नामदेव गवई, वणी येथील दत्ता डोहे व वणीच्या सीमा अस्वले तसेच पुण्याचे संतोष शिंदे व तेर (जि. उस्मानाबाद) येथील शालिनी मासाळे यांचा विवाह या सोहोळ्यात पार पडला.

आज जिजाऊ जन्मोत्सव, सिंदखेडराजा सज्ज!

सिंदखेडराजा, ११ जानेवारी/ वार्ताहर
दरवर्षीप्रमाणे याहीवर्षी राजमाता जिजाऊंचा जन्मोत्सव मराठा सेवा संघाच्यावतीने जिजाऊ दशरात्रौत्सव साजरा होत आहे. ३ जानेवारीपासून या सोहोळ्याला सुरुवात झाली असून उद्या १२ जानेवारीला सांगता होणार आहे.
महाराष्ट्रासह देश-विदेशातील पाहुणे मातृतीर्थ सिंदखेडराजा नगरीत पोहोचत आहेत. विविध वैचारिक तसेच, सांस्कृतिक कार्यक्रमांसाठी सिंदखेडराजा-जालना मार्गावरील जिजाऊसृष्टी परिसर सज्ज झाला आहे. सुमारे १०० एकराच्या परिसरात भव्य सभामंडप उभारून त्यावर विद्युत रोषणाई करण्यात आली आहे. तसेच, राजवाडा परिसरात रंगरंगोटी करण्यात आली आहे. रस्त्यावर स्वागत कमानी उभारून येणाऱ्या पाहुण्यांचे स्वागत केले जात आहे. शिवभक्तांना वैचारिक खाद्य पुरवण्यासाठी पुस्तकांची दुकाने, पिण्याच्या पाण्याची व्यवस्था, तसेच उपाहार गृहाची दुकाने घातली आहे. येणाऱ्या पाहुण्यांची अडचण लक्षात घेऊन त्यांना मार्गदर्शन करण्यासाठी चौकशी कक्ष, देणगीदारांसाठी देणगी कक्ष उभारण्यात आले आहेत. यामुळे या परिसराला भव्य यात्रेचे स्वरूप प्राप्त झाले आहे. जिजाऊ जन्मस्थळ, राजे लखोजीराव जाधवांचे समाधीस्थळ, रंगमहाल यासह जिजाऊसृष्टीवर आकर्षक रोषणाई करण्यात आली आहे. दरवर्षीप्रमाणे या सोहोळ्यावर पॅराग्लायडिंगद्वारे पुष्पवृत्ती केली जाणार आहे.
उद्या १२ जानेवारीला संध्याकाळी ६ वाजता राजवाडय़ावरील जिजाऊ जन्मस्थळावर मातोश्री जिजाऊंचे पूजन मराठा सेवा संघाचे पुरुषोत्तम खेडेकर, माजी आमदार रेखा खेडेकर, नेताजी गोरे, तहसीलदार सुनील शेळके, काँग्रेस नेत्या जयश्री शेळके, विचारवंत डॉ. आ.ह. साळुंके, देवानंद कापसे, राजे शिवाजीराव जाधव, अरविंद गावंडे, पंढरपूरचे बद्रीनाथ महाराज, चनखोरे, कैकाडी महाराज, ‘शंभुराजे’ नाटक फेम सातारा येथील हर्षवर्धन कदम, यांची प्रमुख उपस्थिती राहणार आहे. या निमित्ताने या ठिकाणी दिवसभर सांस्कृतिक, वैचारिक कार्यक्रमाची रेलचेल राहणार आहे. तसेच, मुख्य कार्यक्रमात मराठा विश्व भूषण, जिजाऊ पुरस्काराचे वितरण तसेच, दुपारी २ वाजता शिवधर्मपीठावर नामावंत व्यक्तींचा सत्कार, पुस्तकांचे प्रकाशन व मान्यवरांचे मार्गदर्शन होणार आहे. तरी जास्तीत जास्त संख्येने या कार्यक्रमाला उपस्थित राहावे, असे आवाहन आयोजकांनी केले आहे.

जिजाऊ जन्मोत्सवानिमित्त विविध कार्यक्रमांचे आयोजन

उस्मानाबाद,दि.१- जिजाऊ जन्मोत्सव समितीच्यावतीने देण्यात येणारा ‘जिजाऊ पुरस्कार’ सौ. विमल बलभीम मोरे यांना जाहीर झाला आहे. जिजाऊ जयंतीदिनी बुधवारी या पुरस्काराचे वितरण होणार आहे. याप्रसंगी विविध क्षेत्रात उल्लेखनीय कार्य करणा-या महिलांचा देखील सन्मान करण्यात येणार आहे.
जिजाऊ जयंतीनिमित्त समितीच्यावतीने विविध उपक्रमांचे आयोजन करण्यात आले आहे. त्याचाच एक भाग म्हणून विविध क्षेत्रात उल्लेखनीय कार्य करणा-या व्यक्तींना गौरविण्यात येणार आहे. लोकसेवा आयोगाच्या परीक्षेत सुयश संपादन केलेल्या महिला, राज्यपातळीवर अजिंक्य ठरलेला श्रीपतराव भोसले हायस्कूलचा महिला संघ, छत्रपती हायस्कूलच्या मुलींचा व्हॉलीबॉल संघ, तसेच उस्मानाबाद आकाशवाणीचे निवेदक संजय मैंदर्गी व आनंद वीर, खो-खो असोसिएशनचे राज्य सरचिटणीस डॉ. चंद्रजीत जाधव आदींचा सत्कार या कार्यक्रमात होईल.
कार्यक्रमाच्या अध्यक्षस्थानी प्रभारी नगराध्यक्ष मकरंद राजेनिंबाळकर, प्रमुख अतिथी म्हणून आमदार राणाजगजीतसिंह पाटील, राज्य सहकारी बँकेचे संचालक विश्वास शिंदे, सत्तार शेख, के. टी. पाटील, भाजपाचे जिल्हाध्यक्ष मिलिंद पाटील, शिवसेनेचे अनिल खोचरे, रिपाइंचे राजाभाऊ ओहाळ, मनसेचे अनिल मंजुळे हे उपस्थित राहणार आहेत.
बुधवारी सकाळी ९.३० वाजता शहरातील जिजाऊ चौक, बार्शी नाका येथे आयोजित या कार्यक्रमास नागरिकांनी उपस्थित रहावे, असे आवाहन जिजाऊ जन्मोत्सव समितीचे अध्यक्ष मधुकर अनभुले, डॉ. सुभाष वाघ, श्याम कदम, राहुल सूर्यवंशी आदींनी केले आहे.
जवान संघटनेच्या वतीने राजगडाच्या पायथ्याशी जिजाऊ जन्मोत्सव साजरा.

.

जिजाऊ जन्मोत्सव आणि शिवधर्म प्रकटनाचा ६ वा वर्धापन दिन १२ जानेवारी २०११

2011-01-06T07:38:00.000-08:00

जिजाऊ जन्मोत्सव आणि शिवधर्म प्रकटनाचा ६ वा वर्धापन दिन १२ जानेवारी २०११

जय जिजाऊ..

दरवर्षी प्रमाणे ह्याही वर्षी जिजाऊ जन्मोत्सव कार्यक्रमाचे मोठ्या थाटामाटात आयोजन करण्यात आले आहे..ह्या वर्षी मराठा विश्वभूषण आणि जिजाऊ पुरस्कार हे शिवधर्मपीठावरून दिले जाणार आहेत..जिजाऊ जन्मोत्सवाची तयारी अंतिम टप्प्यात आली आहे.. ३ जानेवारी पासूनच सावित्री-जिजाऊ जन्मोत्सवास सुरवात झाली असून जिजाऊ सृष्टीवर उत्साहाचे वातावरण दिसत आहे..ह्या वर्षी डी वाय पाटील ह्यांच्या उपस्थितीत हे कार्यक्रम होणार आहेत..ह्या साठी देशभरातून शिवधर्मी आणि जिजाऊप्रेमी उपस्थित राहणार आहेत.. गेल्या वर्षी शिवधर्म मृत्योत्तर संस्कारांचे प्रकाशन शिवधर्म साहित्य निर्मिती गण आणि विश्व शिवधर्म संसदेच्या वतीने करण्यात आले होते...ह्या वर्षी शिवधर्मसाहित्यात कोणती भर पडणार ह्याबद्दल शिवधर्मियात उत्सुकता आहे..

जिजाऊ सृष्टीवर राष्ट्रमाता जिजाऊ जन्मोत्सव

मराठा विश्वभूषण पुरस्कार जाहीर

यंदाही १२ जानेवारीला जिजाऊ सृष्टीवर मराठी सेवा संघातर्फे राष्ट्रमाता जिजाऊ माँ साहेबांचा ४१३ वा जन्मोत्सव सोहोळा मोठय़ा प्रमाणात साजरा होणार आहे.
या सोहोळ्यात यंदाचा मराठा सेवा संघातर्फे दिला जाणारा मराठा विश्वभूषण पुरस्कार पंढरपूर येथील बद्रीनाथ महाराज तनपुरे, शिव राज महाराज जाधव व शेगाव येथील संत गजानन महाराज संस्थानचे व्यवस्थापकीय विश्वस्त कर्मयोगी शिवशंकरभाऊ पाटील या तिघांना तर जिजाऊ पुरस्कार कळमनुरीच्या शाहीर अनसूयाबाई शिंदे व बडोद्याच्या जादूगर मेरीगोल्ड मंदाकिनी जाधव यांना दिला जाणार असल्याची माहिती संभाजी ब्रिगेडचे अमरावती विभागीय अध्यक्ष राजेंद्र आढाव यांनी दिली.
या सोहोळ्यासाठी प्रमुख पाहुणे म्हणून केरळचे राज्यपाल रा.सू. गवई. त्रिपुराचे राज्यपाल डॉ.डी.वाय. पाटील. शिवराज पाटील, चाकुरकर यांच्यासह मराठा सेवा संघाचे सर्व कक्षांचे अध्यक्ष शिवधर्माचे धर्मसंसद व विविध क्षेत्रातील मान्यवरांनी उपस्थिती राहणार आहे. यंदाच्या ४१३ व्या जन्मोत्सव सोहोळ्याच्या नियोजनार्थ नुकतीच जिजाऊ सृष्टीवर मराठा सेवा संघाचे संस्थापक अध्यक्ष पुरुषोत्तम खेडेकर यांच्या प्रमुख उपस्थितीत कार्यकारिणी मंडळाची बैठक झाली. यात मराठी विश्वभूषण व जिजाऊ पुरस्कारांबद्दल निर्णय झाला.
या बैठकीसाठी सेवा संघाचे नेताजी गोरे, संतोष गाजरे, भरत मानकर, बिग्रेडीयर सुधीर सावंत, सृष्टीचे अध्यक्ष डॉ. दिलीपराव देशमुख, शीतल तनपुरे, चंद्रशेखर शिखरे तहसीलदार सुनील शेळके, राजेंद्र आढाव, अण्णासाहेब बुरकूल, प्रशांत खाचणे, सुभाषराव कोल्हे, संजय विरवे, मनोज आखरे, नंदू गावंडे, पप्पू पाटील, भोयर, देवानंद कापसे, विजयकुमार दुबे, विलास पाटील व विनोद पऱ्हाड आदी उपस्थित होते. यात जन्मोत्सव तयारीचे नियोजनाबद्दल चर्चा करण्यात आली. तर सालाबादा प्रमाणे यंदाही जिजाऊ सृष्टीवर ३ जानेवारीपासून जन्मोत्सव सोहोळा मोठय़ा प्रमाणात प्रारंभ होणार आहे.

आ ह साळुंखे लिखित "शिवराय:संस्कार आणि शिक्षण" ( परमानंदकृत शिवभारताच्या आधारे ) प्रकाशित

2010-12-26T04:53:00.000-08:00

आ ह साळुंखे लिखित "शिवराय:संस्कार आणि शिक्षण" ( परमानंदकृत शिवभारताच्या आधारे ) प्रकाशित
छत्रपती शिवाजी महाराजांच्या आज्ञेने लिहिलेले परमानंदकृत "शिवभारत" ह्या अस्सल साधनाच्या आधारे शिवरायांच्या जीवनाच्या सुरुवातीच्या काळात त्यांच्यावर जिजाऊ आणि शहाजीराजे ह्यांच्या संस्कारांचा आणि शिक्षणाचा प्रभाव त्यांना छत्रपती पदापर्यंत घेवून गेला.. साळुंखे सरांनी ह्याचा धावता आढावा शिवभारताच्या आधारे घेतला आहे... आ.ह.साळुंखे ह्यांचे हे शिवचरित्रावरील पहिलेच पुस्तक असल्याने चाहत्यांना प्रचंड उत्सुकता आणि अपेक्षा आहेत..

युगनायक महात्मा फुले आणि धर्म

2010-11-27T21:33:00.000-08:00

सत्यशोधक समाजाच्या माध्यमातून काही तत्त्वांचा प्रसार त्यांनी केला. ईश्र्वर एकच व निर्गुण-निराकार आहे. ईश्र्वराच्या भक्तीसाठी कोणालाही कोणत्याही मध्यस्थाची गरज नाही. धार्मिक कर्मकांडावर विश्र्वास ठेवू नका. हे विचार बहुजनांमध्ये रुजवण्याचा प्रयत्न त्यांनी केला. त्यांनी `ईश्वर' नव्हे, तर `निर्मिक' असाच शब्द नेहमी वापरला. राजर्षी शाहू महाराजांना प्रेरणा मिळाली ती महात्मा फुले यांच्या सत्यशोधक विचारांतूनच ! महात्मा फुलेंना गुरू मानत महर्षी विठ्ठल रामजी शिंदे यांनी बहुजन विकासाची चळवळ पुढे नेली. डॉ. बाबासाहेब आंबेडकर यांच्या विचारांवर व कार्यावर महात्मा फुले यांचाच प्रभाव होता.

भारत देश हा कृषिप्रधान आहे आणि तरीही येथील शेतकरी अज्ञानी, कर्जबाजारी, दरिद्री, मागासलेला असा होता (आहे). यामुळेच या समस्या लक्षात घेऊन शेतकर्यांची बाजू मांडण्यास आणि त्यांचे संघटन करण्यास महात्मा फुले यांनी सुरुवात केली. शेतकरी, शेतमजूर यांच्या हालाखीच्या परिस्थितीचे त्यांनी शेतकर्यांचा आसूड या ग्रंथात वर्णन केले आणि या ठिकाणी शिक्षणाशिवाय पर्याय नाही ही भूमिका परखडपणे मांडली. तसेच शेतकर्यांच्या मुलांना व्यावसायिक शिक्षण मिळावे, वार्षिक कृषी प्रदर्शन भरवले जावे, पाणीपुरवठ्यासाठी तलाव-विहिरी-धरणे बांधावीत, पीकसंरक्षणासाठी बंदुक परवाने मिळावेत या मागण्यांचा पाठपुरावा केला. १८८८ साली त्यांनी ड्यूक ऑफ कॅनॉटसमोर भारतीय शेतकर्यांच्या वेषात शेतकर्यांचे प्रतिनिधित्व केले. शेतकर्यांच्या समस्या व त्या अनुषंगाने त्यावरील पर्यायी योजनांची बाजू मांडली.

महात्मा फुले यांनी असंघटित कामगारांच्या समस्यांचाही विचार केला होता. कामगार संघटक नारायण मेघाजी लोखंडे यांनी १८८४ मध्ये मुंबईत गिरणी कामगारांची संघटना स्थापन केली. लोखंडे यांनी महात्मा फुले यांच्या प्रेरणेतून ही संघटना स्थापन केली होती. हीच भारतातील पहिली कामगार संघटना मानली जाते. महात्मा फुले काही काळ पुणे नगरपालिकेचे सदस्यही होते. त्यांच्या चळवळीचे केंद्र पुणे हेच होते. छत्रपती शिवाजी महाराजांच्या रायगडावरील समाधीचा जिर्णोद्धार महात्मा फुले यांनी केल्याचा उल्लेख त्यांच्याविषयीच्या लेखनात सापडतो.

आज शिक्षक दिन ...आपणास हार्दिक शिवेच्छा...

Shahajiraje,Jijausaheb with Shivaji Maharaj

2010-10-28T12:16:00.000-07:00

Swarajyasankalpak Shahajiraje Malojiraje Bhosale.

Swarajaprerana Jijausaheb Shahajiraje Bhosale.

SwarajyaNirmata Chhatrapati Shivaji Maharaj.

हिंदुधर्म हे एक भलें मोठें भटी गौडबंगाल - प्रबोधनकार

2010-09-20T01:52:00.000-07:00

Very Good website on Prabodhankar Keshav Sitaram Thakrey...

visit-

http://www.prabodhankar.com/

congratulations...mr.sachin parab...Great Efforts...

Prabodhankarana manacha mujra.....
-shivdharm seva mandal.

Shivdharna's Festival - Bail Pola

2010-09-08T08:24:00.000-07:00

Festival of Indian Farmers...Festival of (Sindhu) Indus Civilization..Festival Of Shivdharma...
wishing you a very very happy pola....jay jijau..

Shivdharma Idols

2010-09-08T08:12:00.000-07:00

shivdharma Mahamanav...

jijai publication launched own website...

2010-07-24T00:21:00.000-07:00

jijai publication,pune has launched own website...

Jijai Prakashan
Jijabai was the daughter of Lakhuji Jadhavrao, descendent of the Jain kings of Devagiri, and a powerful Sardar at the court of Nizam Shah of Ahmednagar. She was married to Shahji, son of Maloji, who jahagirdar of Pune and Supa and the fortresses of Shivneri and Chakan.
Her strong sense of duty, her courage and fortitude and self-respect were the highlights of her character which were passed on to her son Shivaji, the founder and revivalist of Maratha empire in the enclave of foreign rule in south India.
Jijabai had observed the plight of the land of Marathas being overrun repeatedly by the Moghal of Delhi and the Muslim kings of south.
She was blessed with a son whom she named Shivaji. Shivaji owed his greatness to the inspiration of his mother who implanted in him not only the idea of free Maharashtra but also imbued him with the ideas of tolerance, justice and fair play. These were the virtues that made Shivaji a great king. She was very brave and able administrator. She guided Shivaji to achieve these qualities. Jijabai had taught Shivaji to hold all women in great respect. This code of conduct was rigidly enforced by Shivaji and his lieutenant and counselors. It was also at the inspiration of his mother that Shivaji followed the policy of religious tolerance.

visit-
http://www.jijaiprakashan.com/

congratulations mr.kishore kadu,pune...thanks..

10th,11th,12th,14th April- Bahujan festivals..

2010-04-10T07:36:00.000-07:00

10 th april -Dr.Punjabrao Deshmukh Smrutidin.

11 th April -Mahatma Jyotirao Phule Janmdin.

12 th April -Jijau-Shahjiraje vivah chatushatabdi varsh started..

14 th April -Dr.Babasaheb Ambedkar Janmdin.

Vinamra Abhiwadan...

शिवजयंती Shivjayanti 19th Feb 2010.

2010-02-18T06:23:00.000-08:00

जय जिजाऊ.. आज १९ फेब्रुवारी २०१० शिवजयंती,

महाराष्ट्रातच नव्हे तर जगभरात शिवजयंती साजरी होत आहे ,रयतेचा राजा छत्रपती शिवाजी महाराजांना मानाचा मुजरा....त्यानिमित्त शिव राज्याभिषेकाचा प्रसिद्ध चित्रकार मिलिंद विचारे जळगाव ह्यांनी काढलेला फोटो येथे देत आहोत...धन्यवाद -शिवधर्म सेवा मंडळ

happy shivjayanti to all...this is a new shivaji maharaj wallpaper,chhatrapati shivaji maharaj photo created by milind wichare, jalgaon...this is a nice shivrajyabhishek phtograph ever..and http://www.shivdharm.blogspot.com/ and shivdharma seva mandal are publishing it on internet for first time on the occasion of shivjayanti festival...thank you...

जिजाऊ आणि शिवाजी महाराज - नवा फोटो...

2010-02-16T07:59:00.000-08:00

jay jijau...
तोडुनि शृंखला, मुक्त कर मानवाला, जिजाऊ प्रेरणा देई शिवबाला..

JIJAU janmotsav,sindkhedraja-जिजाऊ सृष्टी,सिंदखेडराजा.

2010-01-16T21:41:00.000-08:00

jijau janmotsav-shivdharmapith.

shivdharma --vishwdharma.

at jijau srushti's main hall.

jijau statue at lakhujiraje palace (jijau's birth place)

purushottam khedekar's speech from shivdharma pith,sindkhedraja on 12 jan 2010.

2010-01-13T00:27:00.000-08:00

purushottam khedekar addressing jijau premi from shivdharma pith

2010-01-12T21:48:00.000-08:00

jijau janmotsav at sindkhedraja

2010-01-12T21:23:00.000-08:00

purushottam khedekar addressing jijau premi from shivdharma pith,jijau srushti

jijau janmotsav -sindkhedraja

2010-01-11T02:19:00.000-08:00

jijau janmotsav

2010-01-11T02:11:00.000-08:00

Donate money for jijau srishti

2009-12-30T09:20:00.000-08:00

जिजाऊसृष्टीसाठी सढळ हाताने मदत करा..

१२ जानेवारीला जिजाऊ सृष्टीवर येताना कृपया फुल न फुलाची पाकळी या हेतूने आर्थिक मदत करा.जिजाऊ सृष्टीला आंतरराष्ट्रीय स्मारक बनवा...

अधिक माहितीसाठी...

http://www.jijausrushti.com

2009-12-28T09:30:00.000-08:00

शिवधर्म दीक्षा सोहळा आणि जिजाऊ जन्मोत्सवाची तयारी सुरु... महाराष्ट्राचेच नव्हे तर अवघ्या देशाचे प्रेरणास्थान असलेल्या मा जिजाऊ ह्यांच्या जन्मोत्सवाचे आयोजन दर वर्षी सिंदखेड राजा येथे करण्यात येते,लाखोंच्या संख्येने मातृतीर्थ जिजाऊसृष्टी तसेच शिवधर्म पीठ फुलून जाते.. शिवधर्म दीक्षेसाठी देश विदेशातून बहुजन बांधव येथे गर्दी करतात...या वर्षीही हा जोश कायम असल्याचे दिसून येत आहे..महाराष्ट्रभर विविध परिवर्तनवादी संघटनांकडून व्याख्यानमालाचे आयोजन करण्यात येत आहे, ३ जानेवारी पासून सावित्री- जिजाऊ दशरात्रोत्सवाचे आयोजन करण्यात येते, त्या निमित्तानेहि तयारी सुरु झाली आहे..तमाम बहुजनांना आता वेध लागले आहेत ते जिजाऊ जन्मोत्सवाचे ..भेटूया....सिंदखेड राजा जि.बुलढाणा येथे...जय जिजाऊ ...!!

2009-11-24T05:15:00.001-08:00

जिजाऊ जन्मोत्सवाला लाखोंची उपस्थिति

2009-01-12T20:25:00.000-08:00

दुर्लक्षित जिजाऊ जन्मस्थळ प्रसंगी स्वखर्चातून विकास करू

नागपूर, ता. १२ - "जन्मस्थळी राष्ट्रमाता जिजाऊ कुलूपबंद' या मथळ्याखाली "सकाळ'ने जिजाऊ जन्मस्थळावर प्रकाशझोत टाकला. जन्मोत्सव सोहळ्यात उपस्थित विविध क्षेत्रांतील मान्यवरांनी आपल्या तीव्र प्रतिक्रिया व्यक्त केल्या आहेत. प्रसंगी स्वखर्चातून जिजाऊंच्या स्मारकासाठी प्रयत्न करण्याची तयारी काहींनी दाखविली आहे. जिल्ह्याचे पालकमंत्री आणि राज्याचे आरोग्यमंत्री डॉ. राजेंद्र शिंगणे यांनी या प्रकरणी विकासकामांची वस्तुस्थिती जाणून घेऊन प्रयत्न करणार असल्याचे सांगितले. जिजाऊ जन्मस्थळाकडे शासनाचे गंभीर दुर्लक्ष झाल्याची बाब "सकाळ'ने ठळकपणे समोर आणली. याबद्दल धन्यवाद देतानाच, कोल्हापूर जिल्ह्यातील बिद्दी येथील प्रवीण पाटील म्हणतात, ""राष्ट्रमाता जिजाऊंसाठी शासनाजवळ पैशाची कमतरता पडत असेल तर आम्ही आमच्या कमाईतून प्रत्येकी शंभर रुपये गोळा करून तेथील दुरवस्था दूर करू.'' बुलडाणा जिल्हा परिषदेचे अध्यक्ष प्रकाश पाटील यांनी आगामी अर्थसंकल्पापूर्वी मुख्यमंत्र्यांशी चर्चा करून निधीसाठी पाठपुरावा करणार असल्याचे सांगितले व "सकाळ'ने मांडलेली वस्तुस्थिती मान्य केली. संभाजी ब्रिगेडचे प्रवक्‍ते आणि इतिहास संशोधक श्रीमंत कोकाटे यांनीही जिजाऊंचे जन्मस्थळ आंतरराष्ट्रीय दर्जाचे स्मारक व्हावे व त्याची दुरवस्था संपावी, अशी अपेक्षा व्यक्त केली. शिवसेना नेते छगन मेहेत्रे यांनी सिंदखेडराजा येथील जिजाऊ जन्मस्थळाच्या दुरवस्थेवर प्रकाश टाकल्याबद्दल आभार मानून निदान आता तरी शासन लक्ष देईल काय, हा प्रश्‍न उपस्थित केला. महाराष्ट्राचा स्वाभिमानाचा व प्रतिष्ठेचा वारसा जोपासण्यासाठी पैशाचे कारण पुढे न करता शासनाने सढळ हस्ते मदत केली पाहिजे. एकीकडे शिवरायांच्या नावाने राजकारण करीत असताना जिजाऊंच्या स्मारकासाठी निधी न देणे ही दुटप्पी भूमिका आता तरी शासनाने सोडून द्यावी, अशी रोखठोक प्रतिक्रिया बुलडाण्याचे आमदार विजयराज शिंदे यांनी व्यक्त केली

आज सिंदखेडनगरीत जिजाऊ जन्मोत्सव !!!

2009-01-11T15:38:00.000-08:00

चलो सिंदखेडराजा

2009-01-11T07:19:00.000-08:00

जय जिजाऊ ...जय शिवरायचा उद्घोष करत सिंदखेडराजा नगरीत लाखो जिजाऊ प्रेमी दाखल...

"राजमाता जिजाऊंचे स्मरण करून विषमतावादी धर्माचे संस्कार नाकारून समतावादी शिवधर्माचा आम्ही स्वीकार करीत आहोत...."

असी शपथ घ्या...

उद्या जिजाऊ जन्मोत्सव....

2009-01-10T19:41:00.000-08:00

देश विदेशातून जिजाऊप्रेमिंचे लोंढे दाखल

जिजाऊ जन्मोत्सवाची तयारी अंतिम टप्प्यात

2009-01-09T19:47:00.000-08:00

जिजाऊ जन्मोत्सवाची तयारी अंतिम टप्प्यात
औरंगाबाद, ता. ९ - सिंदखेडराजा येथे सोमवारी (ता.१२) जिजाऊ जन्मोत्सवाचा कार्यक्रम आयोजित करण्यात आला आहे. त्यासाठी लाखोंच्या संख्येने शिवधर्म स्वीकारण्यासाठी शिवभक्त येणार असल्याची माहिती मराठा सेवा संघाचे विंग कमांडर टी. आर. जाधव यांनी सांगितली. या महोत्सवाच्या निमित्ताने मराठा सेवा संघाच्या बाबा पेट्रोल पंप येथील राजर्षी शाहू भवनमध्ये पत्रकार परिषदेचे आयोजन करण्यात आले होते. त्या वेळी दादाराव कुबेर, मदन पिसे उपस्थित होते. या वेळी बोलताना श्री. जाधव म्हणाले,"" सिंदखेडराजा येथे गेल्या १५ वर्षांपासून जिजाऊ जन्मोत्सवाच्या कार्यक्रमाचे आयोजन करण्यात येते. राजवाड्यासमोर हा कार्यक्रम होत असे, पण त्या ठिकाणची जागा अपुरी पडत असल्याने मराठा सेवा संघाने दीडशे एकरात "जिजाऊ सृष्टी' निर्माण करण्याचा महत्त्वाकांशी प्रकल्प हाती घेतला आहे. मोती तलावाच्या शेजारी या प्रकल्पाची उभारणी सुरू आहे. अकरा हजार कोटींचा हा प्रकल्प आहे. त्या ठिकाणी दहा हजार श्रोते बसतील, असा मंडप तयार करण्यात आला आहे. त्याचप्रमाणे अतिथीगृहही उभारणीचे काम सुरू आहे. हा प्रबोधनात्मक कार्यक्रम असून त्या ठिकाणी सर्व समाजाच्या नागरिकांना प्रवेश आहे. ते येऊन शिवधर्म स्वीकारू शकतात. या निमित्ताने शिवधर्म पद्धतीने शंभर दांपत्यांचे सामूहिक विवाह तिथे लावण्यात येणार आहेत. या प्रकल्पाचे काम औरंगाबाद येथील डॉ. दिलीप देशमुख पाहात आहेत. या वेळी पुरुषोत्तम खेडेकर, नेताजीराव गोरे, अनंत चोंदे, जयश्री शेळके, प्रवीण गायकवाड, मा. म. देशमुख हे उपस्थितांचे प्रबोधन करणार आहेत, तर सत्यपाल महाराजांच्या प्रबोधनपर प्रवचनाचे आयोजन करण्यात आले आहे.''
भाविकांसाठी प्रवेशद्वाराचे आकर्षण
जिजाऊ सृष्टीच्या भव्य प्रवेशद्वाराचे काम येत्या सोमवारपर्यंत पूर्ण होणार आहे. हे प्रवेशद्वार दिल्लीतील अक्षरधाम मंदिराच्या प्रवेशद्वाराच्या धरतीवर उभारण्यात आले आहे. त्या ठिकाणी असणारा राष्ट्रमाता जिजाऊंचा पुतळा हे भाविकांसाठीचे खास आकर्षण असणार आहे, असे श्री. जाधव यांनी सांगितले.

जिजाऊ जन्मोत्सवाची जय्यत तयारी

2009-01-06T20:06:00.000-08:00

हजारो जिजाऊप्रेमी येणार...

2009-01-06T09:46:00.000-08:00

2009-01-03T10:16:00.000-08:00

2008-12-28T23:53:00.001-08:00

shivdharma

shivdharm.... vishwdharm.....

2008-04-19T04:11:00.000-07:00

लाखावर जिजाऊभक्तांनी घेतली शिवधर्माची दीक्षा

सिंदखेडराजा (जि. बुलडाणा), ता. १२ - "मी आजपासून शिवधर्मीय होण्यासाठी प्रतिज्ञा घेत असून, परंपरागत धर्मातील रूढी-परंपरा, अंधश्रद्धांना थारा देणार नाही. कर्मकांड करणार नाही. समान न्यायावर आधारित शिवधर्माचा मी स्वीकार करीत आहे'', या शब्दांत जिजाऊसृष्टीवर देशभरातून जमलेल्या एक लाखावर जिजाऊभक्तांनी शिवधर्माची दीक्षा घेतली. .......ता. १२ जानेवारी २००५ रोजी शिवधर्म प्रकटन सोहळा झाल्यानंतर २००८ मध्ये भव्य प्रमाणात शिवधर्म दीक्षा समारोह करण्याची घोषणा संस्थापक अध्यक्ष पुरुषोत्तम खेडेकर यांनी केली होती. आजच्या दीक्षा सोहळ्याने त्यांच्या या घोषणेची पूर्तता झाली. या वेळी महसूल राज्यमंत्री डॉ. राजेंद्र शिंगणे, पुरुषोत्तम खेडेकर, आमदार रेखाताई खेडेकर, नेताजी गोरे, विश्‍व समन्वयक देवानंद कापसे, जयश्रीताई शेळके, प्रदीप सोळुंके, डॉ. दिलीप देशमुख, प्रभाकर पावडे, प्रकाश पोहरे आदी प्रामुख्याने उपस्थित होते. शिवधर्माच्या वतीने स्थापन करण्यात आलेल्या शिवधर्म संसदेच्या नेताजी गोरे, चंद्रशेखर शिखरे, देवानंद कापसे, डॉ. विजयाताई कोकाटे, मंदाताई निमसे, रेखाताई खेडेकर यांनी उपस्थित लाखावर जिजाऊभक्तांना शिवधर्माची दीक्षा दिली. यावेळी प्रमुख मार्गदर्शन करताना श्री. खेडेकर म्हणाले की, शिवधर्म अंगीकारून माझ्यासोबत या, आपण जगावर राज्य करू. गेल्या हजारो वर्षांपासून आमची माती होत आहे. पुढच्या पिढीचे नुकसान टाळण्यासाठी शिवधर्मात या. स्त्रिया गुलाम झाल्या की, मुले गुलाम होतात, त्यामुळे वैज्ञानिक दृष्टिकोन अंगीकारण्याची सुरुवात महिलांपासून करा. शिवधर्माच्या पद्धतीने वाटचाल केल्यास २०५० मध्ये महिला जगावर राज्य करतील. एकविसाव्या शतकातील ही पहिली धर्मक्रांती आहे. स्वर्ग, नरक यांना शिवधर्मात स्थान नसून धर्मसत्ता काबीज करण्यासाठी शिवधर्म अंगीकारा. ज्या विठ्ठलापर्यंत जाण्यासाठी दलालाची गरज लागते, त्याला दलालाच्या तावडीतून आपण मुक्त करू. व्यावसायिक बनण्याचा सल्लाही त्यांनी शेतकऱ्यांना दिला. एकविसाव्या शतकात शेती पिकविणाऱ्यापेक्षा संगणक आणि लॅपटॉप पिकविणारे सुखी आहेत. तीन लाख मंदिरे ताब्यात घेऊन तीन लाख लोकांना रोजगार दिला जाऊ शकतो. आज पाच कोटी लोक दरवर्षी कर्मकांडावर प्रत्येकी किमान दोन हजार रुपये खर्च करतात. डॉ. शिंगणे यांनी यावेळी बोलताना सांगितले की, जुन्या मानसिकतेतून समाजाला बाहेर काढण्याचे अवघड काम श्री. खेडेकर करीत आहेत. त्यांच्या शिवधर्माच्या संकल्पनेतूनच माणसे गुलामगिरीतून बाहेर पडणे शक्‍य होणार आहे. शिक्षण आणि सुशिक्षित यातील दरी दूर करण्यासाठी व सामाजिक कार्यासाठी पक्षभेद विसरून काम करण्याची आपली तयारी असल्याचे त्यांनी सांगितले. जिजाऊसृष्टीच्या उभारणीसाठी आमदार निधीतून दहा लाख रुपयांचा निधी पुढील वर्षभरात देण्याची घोषणा त्यांनी यावेळी केली. प्रकाश पोहरे यांनीही यावेळी विचार व्यक्त करून आपण आज शिवधर्माची दीक्षा घेतल्याचे जाहीर केले.

राजमाता जिजाऊंना स्मरण करीत शिवधर्माची

- जिजाऊसृष्टी, सिंदखेडराजा, ता. १२ - "" राजमाता जिजाऊंचे स्मरण करून विषमतावादी धर्माचे संस्कार नाकारून समतावादी शिवधर्माचा आम्ही स्वीकार करीत आहोत,'' अशा शब्दांत येथील जिजाऊसृष्टीवर उपस्थित जनसमुदायाने डॉ. विजया कोकाटे, मंदा लिमसे आणि आमदार रेखा खेडकर यांच्या नेतृत्वाखाली शपथ घेतली. ......मराठा सेवा संघाच्या पुढाकाराने जिजाऊ जयंती दिनाचे औचित्य साधून आयोजित शिवधर्म दीक्षा समारंभ घेण्यात आला. उपस्थितांनी यावेळी या नव्या धर्माचा स्वीकार शनिवारी (ता. १२) केला. त्या आधी संस्थापक पुरुषोत्तम खेडेकर यांनी शिवħर्माचा शिवदंड आणि धōवज नव्याने स्थापन केलेल्या धर्मसंसदेच्यľ हातात दिला आणि उपस्थितľंनी टाळ्यांचा कडकडाट केला. जिजाĊंचे जन्मस्थान अĸलेल्या राजे लखुजीराव जाधव यांच्या राजवाड्यात सकाळी सहा वाजता जिजाऊ पूजन करण्यात आले. शिवाजीराजे जाधव, अण्णासाहेब बुरकुल यावेळी उपस्थित होते. राजवाड्यास भेट देण्यासाठी; तसेच तेथील जिजाऊंच्या पूर्णाकृती पुतळ्यास अभिवादन करण्यासाठी दिवसभर रांगा लागलेल्या होत्या. तेथून जिजाऊ सृष्टीवरील समारंभास लोक जात होते. मराठा सेवासंघातर्फे शिवधर्मदीक्षा समारंभाआधी १२ जोडप्यांचा शिवधर्म पद्धतीने सामुदायिक विवाह सोहळा आयोजित करण्यात आला. वैशाली खरे, सुधाकर साळुंके įांनी सादर केलेल्या शिवपंचकाच्या उच्चारांमध्ये हा विवाह सोहळा संपन्न झाला. अक्षता टाकण्याऐवजी टाळ्या वाजविण्याची शिवधर्मातील पद्धत यासाठी उपयोगात आणली गेली. प्रा. प्रदीप सोळुंके, ऍड. वैशाली डोळस हे औरंगाबादचे पदाधिकारी; तसेच यवतमाळचे पप्पू गोयल, कर्नाटकचे मांगीलाल चौपडे, राजारामबापू गायकवाड यांची सकाळच्या सत्रात भाषणे झाली. कैलास राऊत तसेच उस्मानाबादच्या कल्पना हाजगुडे यांनी सूत्रसंचालन केले. शाहिरांचे पोवाडे, सांस्कृतिक कार्यक्रमाला उपस्थितांचा मोठा प्रतिसाद मिळाला. - "शिवधर्म स्वीकारण्यास आम्ही प्रतीबद्ध'(शंभर टक्के पाळण्यास वचनबद्ध) आहोत, असा उल्लेख या वेळी वक्‍त्यांनी केला. - दुपारी अडीचच्या सुमारास शिवधर्मपीठावर उपस्थित झालेल्या जनसमुदायाने परिसर फुलून गेला होता. सायंकाळी उशिरापर्यंत गर्दी कायम होती. - शिवधर्माची केंद्र सरकारकडे नोंदणी करण्यात येणार आहे. संयुक्त राष्ट्रांकडे या संदर्भात माहिती देण्यासाठी पत्रव्यवहार सुरू आहे, अशी माहिती श्री. खेडेकर यांनी या वेळी दिली.

जिजाऊ सृष्टीवर पुस्तकांची विक्रमी विक्री

देऊळगावमही (जि. बुलडाणा), ता. १३ - मातृतीर्थ सिंदखेडराजा येथील जिजाऊ सृष्टीवर काल (ता.१२) जिजाऊ जन्मोत्सवानिमित्त झालेल्या शिवधर्म दीक्षा सोहळ्यादरम्यान विक्रमी पुस्तकांची विक्री झाली. सुमारे १० लाख पुस्तकांचा खप झाला असून, त्यामध्ये आंबेडकरी साहित्याचा खप मोठ्या प्रमाणावर झाला आहे. .......मराठा सेवा संघाच्या वतीने सिंदखेडराजा येथील जिजाऊ सृष्टीवर शिवधर्म दीक्षा सोहळा साजरा करण्यात आला. यावेळी लाखो बहुजन बांधवांना शिवधर्माची दीक्षा देण्यात आली. यंदा पुस्तक विक्रेते मोठ्या संख्येने येथे आले होते. यावेळी सृष्टी परिसरात सुमारे १३० दुकाने लावण्यात आली होती. त्यामध्ये ७० दुकाने पुस्तकांची, १० दुकाने सीडी आणि कॅसेटची, सहा दुकाने छायाचित्र विक्रेत्यांची, चार दुकाने जिजाऊ मूर्ती, शिवाजी मूर्ती आणि फोटो फ्रेमची, चार दुकाने बचतगटांची, एक संगणक साहित्य विक्रीचे, ट्रॅक्‍टर, कॅलेंडर, खाद्यपदार्थ आदी दुकानांचा समावेश होता. जिजाऊ सृष्टीवर पुस्तक विक्रेत्यांचे स्टॉल सर्वांचे लक्ष वेधून घेत होते. ७० पुस्तकांच्या दुकानातून १० लाख पुस्तकांची विक्री झाली असून, त्यामध्ये ७० टक्के आंबेडकरी साहित्याचा समावेश होता. त्याचप्रमाणे शिवधर्म साहित्याची पुस्तकेही सर्वांचे आकर्षण ठरली होती. डॉ. आ. ह. साळुंखे, मा. म. देशमुख, प्रा. अशोक राणा, प्रा. जेमिनी कडू, पुरुषोत्तम खेडेकर आदी दिग्गज लेखकांच्या पुस्तकांना यंदा मोठी मागणी होती. सातारा येथील छोट्या पुस्तक स्टॉलचे संचालक चंद्रकांत मोरे म्हणाले की, जवळपास १० हजारांची पुस्तके यंदा विक्री झाली आहेत. येथे मोठ्या प्रमाणावर वाचक येत असल्याने, पुस्तकांची विक्रीही चांगली होते. वर्धा येथील बागडे बुक डेपोचे ईश्‍वर बागडे म्हणाले की, मोठ्या पुस्तक विक्रेत्यांची सुमारे ३० ते ४० हजार रुपयांची, तर छोट्या पुस्तक विक्रेत्यांची १० हजार रुपयांची पुस्तके विक्री झाली. त्यात आंबेडकरी साहित्याचा समावेश अधिक आहे. महाराष्ट्रातील नामवंत पुस्तक विक्रेत्यांनी येथे आपले स्टॉल लावले होते. पुण्याचे जिजाऊ प्रकाशन, शिवमाला विक्री केंद्र, परळी वैजनाथ येथील छत्रपती प्रकाशन, बुलडाण्याचे जिजाऊ पुस्तकालय, बीडचे सावंत बुक स्टॉल, वर्धेचे सुधीर प्रकाशन, बागडे बुक स्टॉल, वर्धा आदी नामवंत पुस्तक विक्रेत्यांनी यंदा हजेरी लावली होती. बहुजन व्याख्यात्यांची ऑडिओ सीडीचीही मोठ्या प्रमाणावर विक्री झाली. राष्ट्रमाता जिजाऊ, शिवाजी महाराज, डॉ. बाबासाहेब आंबेडकर, महात्मा फुले, अहिल्याबाई होळकर, सावित्रीबाई फुले, संत गाडगेबाबा, छत्रपती शाहू महाराज यांच्या मोठ्या छायाचित्रांना मोठी मागणी होती. यंदा पुस्तकांची विक्री मोठ्या प्रमाणावर झाल्याने, विक्रेत्यांची मात्र चांदी झाली.

शिवाजींची तलवार लंडनमधून आणूच - श्रीकृष्ण

देऊळगावमही (जि. बुलडाणा), ता. १३ - ""लंडन येथील संग्रहालयात ठेवण्यात आलेली शिवाजी महाराजांची तलवार भारतात आणूच,'' असा विश्‍वास इंग्लंडमधील आंबेडकरी चळवळीचे कार्यकर्ते श्रीकृष्ण गमरे यांनी व्यक्त केला. .......तलवार भारतात आणण्यासाठी लवकरच एक समिती गठित करण्यात येणार असून, समितीच्या अध्यक्षपदी मराठा सेवा संघाचे संस्थापक पुरुषोत्तम खेडेकर हे राहणार आहेत. श्री. गमरे पुढे म्हणाले, ""नव्या आंतरराष्ट्रीय कायद्यानुसार ज्या देशातील ऐतिहासिक वस्तू इतरत्र नेल्या असतील, त्या परत देशात आणल्या जाऊ शकतात. सावंतवाडीचे भोसले यांनी शिवाजी महाराजांची ऐतिहासिक तलवार इंग्लंडच्या राणीला दिली होती. ती तलवार लंडन येथील संग्रहालयात आहे. तेथपर्यंत जाऊन तलवारीची शूटिंग घेण्याचीही परवानगी आतापर्यंत नव्हती. परंतु, त्याची रीतसर परवानगी घेऊन शूटिंग घेण्याचा प्रयत्न केला व त्याला यशही मिळाले. ही तलवार मिळविण्यासाठी "भारतीय मैत्री'ही महत्त्वाची आहे. इंग्लंडच्या हाउस ऑफ पार्लमेंटचे १० भारतीय खासदार यासाठी मदत करणार असल्याचेही श्री. गमरे यांनी सांगितले. ही तलवार भारतात आणण्यासाठी मोठी मागणी होण्याची गरज असून, तेव्हाच ही तलवार भारताला मिळू शकेल, असा विश्‍वास श्री. गमरे यांनी व्यक्त केला।

सैकड़ों लोगों ने 'शिवधर्म' अपनाया

सोमवार, 14 जनवरी 2008( 10:30 IST )
महिलाओं समेत सैकड़ों लोगों ने महाराष्ट्र में तीन वर्ष पहले बने नए धार्मिक समुदाय 'शिवधर्म' स्वीकार कर लिया है।यह धर्मांतरण मराठा योद्धा छत्रपति शिवाजी की माता जीजाबाई की 410वीं जयंती के अवसर पर हुआ, जो शिवधर्म की कुलदेवी हैं। यह धर्म कुछ हिन्दू परंपराओं को अस्वीकार करता है।धर्मांतरण बीती शाम अकोला के पड़ोसी जिले बुलढाणा के शिंदखेड़ राजा में हुआ। शिवधर्म के संस्थापक पुरूषोत्तम खेड़कर ने इस अवसर पर एकत्रित लोगों को संबोधित किया।नए धर्म की शपथ लेने वालों में मराठी दैनिक 'देशोन्नति' के प्रधान संपादक प्रकाश पोहरे भी शामिल हैं।

""मराठा समाजाला आरक्षण मिळाल्यास "मराठा विरुद्ध दलित' हा संघर्ष कमी होऊन नवनिर्मितीच्या दिशेने समाजाची वाटचाल सुरू होईल,'' असे मराठा सेवा संघाचे प्रदेशाध्यक्ष नेताजी गोरे यांनी आज येथे सांगितले. आरक्षणाच्या अंमलबजावणीसाठी लढा करून यश संपादन करायचे आहे, असेही त्यांनी स्पष्ट केले. सहकारनगर येथील शिंदे हायस्कूलच्या प्रांगणात उभारलेल्या शाहूनगरीत मराठा सेवा संघाच्या बाराव्या अधिवेशनाच्या उद्घाटन समारंभात ते बोलत होते. कार्यक्रमाच्या सुरवातीला वीर बाजी पासलकर यांचे वंशज ज्ञानोबा पासलकर, कान्होजी जेधे यांचे वंशज युवराज, हिरोजी भोसले यांचे वंशज सचिन व राष्ट्रपती पुरस्कार विजेत्या शिक्षिका राजश्री भोसले यांचा सत्कार संत तुकाराम महाराजांची प्रतिमा व मानपत्र देऊन करण्यात आला. संघाचे संस्थापक अध्यक्ष पुरुषोत्तम खेडेकर, तमिळनाडूतील तंजावर येथील सरदार घराण्यातील प्रभावती गाडे रावसाहेब काकू, लेखिका कुमुदिनी पवार, ग्रामीण पोलिस अधीक्षक विश्žवास नांगरे पाटील, कर्नाटकचे राजाराम गायकवाड, जपानच्या टोकियो शहरातील व्यावसायिक बाळासाहेब देशमुख, "संभाजी ब्रिगेड'चे अनंत चोंदे, जयश्री शेळके, सारिका भोसले, आमदार शरद ढमाले तसेच दीपक मानकर, रवींद्र माळवदकर, राजेंद्र कोंढरे, पांडुरंग बलकवडे, अभिनेते अशोक समर्थ उपस्थित होते. गोरे म्हणाले, ""मराठा सेवा संघाने हाती घेतलेल्या समाज जागृतीमुळे मराठा-मराठेतर संघर्षाचे प्रमाण मोठ्या प्रमाणावर कमी होत आहेत. अंधश्रद्धा, रूढी-परंपरेतून समाज मुक्त होत आहे. मात्र, आम्ही अजूनही अस्वस्थ आहोत. शेतकऱ्यांच्या आत्महत्या होत आहेत. छोटे-मोठे उद्योग सुरू करण्यास तरुणांना प्रोत्साहन देत असलो तरी बेरोजगारीचा प्रश्žन मोठा आहे. मराठा समाजासाठी सहा महिन्यांत आरक्षण देण्याची घोषणा राज्य सरकारने केली आहे. त्यानुसार आरक्षण लागू करावे, यासाठी प्रत्येक जिल्ह्यातून मुख्यमंत्र्यांना निवेदने देण्याची मोहीम राबविण्यात येईल.'' मराठा सेवा संघाच्या कार्याचा आढावा घेताना ते म्हणाले, ""मराठ्यांनी अटकेपार झेंडे लावले तरी त्यांचा इतिहास धार्मिक बंधनात अडकला. त्यामुळे मराठ्यांचे कर्तृत्व पुढे आले नाही. इतिहास लेखनातील हा अन्याय व कलंक पुसून सत्य इतिहास मांडण्याचे काम सेवा संघ करत आहे. धार्मिक गुलामगिरी, वैदिक धर्माच्या बेड्यांतून बहुजन समजाला मुक्त करून शिवधर्माचा स्वीकार करून त्यांना चैतन्यदायी मार्गावर नेत आहोत. येत्या ता. १२ जानेवारीला हजारो जण शिवधर्माची दीक्षा घेणार आहेत. भटजींना न बोलविता होणारे विवाह; तसेच सण, उत्सवावरचा खर्च वाचवून शिक्षण व उद्योगधंद्यासाठी हा पैसा वापरण्यास झालेली सुरवात हे संघाच्या कामाचे यश आहे. जगभरातील मराठा समाजातील व्यक्तींपर्यंत हे कार्य पोचविण्याचे काम सुरू आहे. विकृत इतिहासाला जबाब देण्याचे काम "संभाजी ब्रिगेड' करत आहे.'' राजाराम गायकवाड म्हणाले, ""शहाण्णव, ब्याण्णव कुळी असा भेदभाव करणे समाजासाठी घातक आहे. मराठा सेवा संघामुळे शिवाजी महाराजांचा खरा इतिहास समोर येत असून, त्यानुसार कर्नाटकातील मराठी समाजाने बदल करण्यास सुरवात केली आहे.'' प्रास्ताविक भाषणात विजयकुमार ठुबे म्हणाले, ""मराठा समाजाने एकत्र येऊन स्वत:चा विकास करणे काळाची गरज आहे. मराठा सेवा संघ परिवर्तनवादी चळवळ झालेली आहे.'' लाल महाल येथील दादोजी कोंडदेव यांचा पुतळा हटवून तेथे शहाजी महाराजांचा पुतळा उभारावा, अशी मागणी या वेळी करण्यात आली. श्रीमंत कोकाटे व जयश्री शिंदे यांनी सूत्रसंचालन केले. दोन दिवसांच्या अधिवेशनाला राज्यभरातून महिला व कार्यकर्ते आले आहेत. "शिवसृष्टी' येत्या वर्षभरात ""पुण्यात येत्या वर्षभरात शिवसृष्टी उभारण्यात येईल,'' असे पुणे महापालिकेच्या स्थायी समितीचे अध्यक्ष बापू पठारे यांनी सांगितले. दीपक मानकर यांनी ही मागणी केली होती. "पालिकेतर्फे यासाठी जागा देण्यात येईल; तसेच पालिकेच्या अर्थसंकल्पात यासाठी आर्थिक तरतूद करण्यात येईल,' असेही पठारे यांनी सांगितले.